Michuu gaafa dhibee fi guyyaa gaddaa
Na wajjin kan dhiphatu yeroo hundaa
Xinnummaa koo ilaalee na hin tuffatu
Fira argadheera kan na jaallatu
Yesus kan jedhamu michuu gorsaa
Nagadhaan kan guute jaalalli isaa
Abbaa argadheera kan na hin dhiifne
Bara-baraan kan na hin irraanfanne
Michuu gaafa dhibee…
Ijoolleen Waaqayyoo ni beekamu
Yeroo hundaa jaalalaan argamu
Mootummaa Waaqayyoo ni abdatu
Jireenya hin dhumne ni argatu
Michuu gaafa dhibee…
Yesus jaallatama kan naa duute
Teessoo kee waaqa irraa dhiiftee dhuftee
Maqaan kee haa ulfaatu, ol ol jedhee
Jaallatamoo ijoollee nu godhattee
Michuu gaafa dhibee…
